पोटात जंत कशामुळे होतात? लक्षणे व उपाय

 पोटात जंत कशामुळे होतात?

अनेक लोकं जेवताना स्वच्छतेची काळजी घेत नाही. तसेच जेवण बनवताना देखील स्वच्छतेची काळजी घेतली जात नाही. त्यामुळे पोटात जंत होतात. जे शरीरात विविध आजार उद्भवतात. अशा परिस्थितीत स्वच्छता राखणे आवश्यक आहे. लहान मुलांना सर्वात जास्त जंताची समस्या होण्याचे कारण म्हणजे, ते मातीच्या तसेच अनेक अस्वच्छ वस्तूंच्या संपर्कात येतात. ज्यामुळे त्यांचे हात अस्वच्छ होतात, याच अस्वच्छ हाताने जेवल्यामुळे त्यांना जंताचा त्रास होतो. काहीवेळा पोटात जंत झाल्याचे कळून येत नाही. त्यामुळे ही काही लक्षणे आढळून आल्यास जंतावर वेळीच उपचार घेता येऊ शकतात. 

लक्षणे 

पोटदुखी

जर तुम्हाला वारंवार पोटदुखी होत असेल तर ते पोटदुखीचे लक्षण असू शकते. अशा स्थितीत काहीही खाल्ल्यानंतर अनेकांना पोट दुखू लागते.

उलट्या होणे आणि मळमळ होणे

पोटातील जंतांमुळे उलट्या आणि मळमळ होऊ शकते. तुम्हालाही अशा समस्या वारंवार येत असतील तर तुम्ही ताबडतोब डॉक्टरांशी संपर्क साधावा.

गुदाशय मध्ये खाज सुटणे

पोटात जंत असल्यास, गुदाशयात खाज येण्याची समस्या असू शकते. विशेषत: खाज येण्याची समस्या रात्रीच्या वेळी अधिक सतावते.

पांढरी जीभ 

जिभेचा पांढरा रंग हे देखील पोटातील जंतांचे लक्षण असू शकते. अशी लक्षणे दिसल्यास, आपण आपल्या आरोग्य तज्ञाशी संपर्क साधावा.

अचानक वजन कमी होणे

कोणत्याही कारणाशिवाय वजन कमी होणे हे देखील पोटातील जंतांचे लक्षण असू शकते. अशा स्थितीत व्यक्तीला भूकही कमी लागते. तुम्हालाही अशा प्रकारच्या समस्येचा सामना करावा लागत असल्यास, तुमच्या डॉक्टरांशी संपर्क साधा.

अति थकवा

जर तुम्हाला सतत थकल्यासारखे आणि सुस्त वाटत असेल तर ते पोटातील जंतांचे लक्षण असू शकते. अशा परिस्थितीत आपण आपल्या आरोग्य तज्ञाचा सल्ला घ्यावा.

दात चावणे

पोटात जंत झाल्यावर अनेकांना दात चावायला लागतात. विशेषत: लहान मुलांमध्ये ही लक्षणे अधिक दिसतात. जर कोणी जास्त प्रमाणात दातांवर दात घासत असेल तर त्यांनी डॉक्टरांचा सल्ला घ्यावा आणि तपासणी करून घ्यावी.

मलमध्ये पांढरे जंत दिसणे

तुमच्या पोटात जंत असल्यास, तुम्हाला मलमध्ये पांढरे ठिपके सारखे जंत दिसू शकतात. अशी लक्षणे दिसल्यास जंतनाशक औषध घ्यावे.

जंताची समस्या दूर करण्यासाठी घरगुती उपाय

पपई

पपईचा वापर आरोग्यासाठी खूप फायदेशीर आहे. आतड्यातील जंत दूर करण्यासाठी पपईच्या बियांचा वापर करु शकता. काही लोक कच्च्या बिया खाऊन किंवा मधात मिसळून त्याचे सेवन करतात. 

वावडिंग

लहान मुलांमध्ये या समस्या दिसून आल्यास वावडिंग पाण्यात उकळून त्या पाण्याचे सेवन केल्यास आराम मिळू शकतो. 

डाळिंब

पोटाशी संबंधित कोणत्याही समस्यांवर डाळिंब खूप फायदेशीर मानले जाते. त्यामुळे वारंवार पोटात जंत होत असतील आणि त्यामुळे त्रास होत असेल तर डाळिंबाची साल रात्रभर पाण्यात उकळून ठेवा. व ते पाणी सकाळी रिकाम्या पोटी प्या द्या. तुम्ही डाळिंबाचा रसही पिऊ शकता.

तुळस

तुळशीची पाने देखील जंतावर रामबाण उपाय आहे. तुळशीची पाने किंवा त्याच्या अर्का

मुळे पोटातील जंत नष्ट होतात.

डिस्क्लेमर- या आर्टिकलमध्ये देण्यात आलेली माहिती व उपाय हे सामान्य ज्ञानावर आधारित आहेत. पण कोणताही उपचार करण्याआधी संबंधित आजारातील, तज्ज्ञांचा अथवा डॉक्टरांचा सल्ला घ्या.